تمثيل بين صحاب والحب

"
[URL=https://2img.net/r/ihimizer/i/htoofb857b5ecf2.jpg/][/URL
إنتى البنت إللى فى خيالى نفس الشعر و نفس العينين و نفس الجسم و..." دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه" الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى .. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ، السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها
وكمان البنت تهلف علي صحبتها ال هو كان بيحبها ومكنش فية غيراها وطبعا البنت تاني تمثل علية حبها وبئة كدة الضحية الشاب يعني لازم نفكر كويس ازاي نعرف معني الصداقة والحب واية الفرق ما بين صداقة والحب وحب صديق حاجة وحب الحبيب حاجة وكمان يا بنات بلاش تسمعة كلام صحبيتك وتقولي انها بتحبك وخايفة عليك لا انتي لازم تسمعي بين الطرفين والتمثيل مش هينفع في الحب لانة باين اوي انة تمثيل

طبعا الولد مش هيسكت و البنت هاترجع رابطة عينيها و الولد هيرجع مجبس رجله
ههههههههههههههههههههه

هههههههههههههههههههههههههههههههههه
هة المرادي مش حزينة خالص

خالص ايوووووووووووه كدا يا وديع

ههههههههههههههههههههههههههههههه
ماشي حاضر انت اطلب وانا انفذ

حلو الموضوع ده جدا

مرسي يا قمر

ربنا يخليكي ايون كدة ارفعي من روحي المعنوي

بس بجد اعرف ازاي انه حب اصدقاء ولا حب بجد

يصي يااميرة انا موضوعي بيتكلم عن تمثيل في الحب وكمان صحاب بعني في حب صداقة وحب القلب لكن نفرق ازاي من طريقتة معاكي مش مجرد انة يقولك كلام حلوة يبقي بيحبني لا ممكن يكون هو عادي واحنا ناخدها معني تاني وكمان اوعي تتدي فرصة لصحبتك انها توقع ما بينكون لانها ممكن تقولك علية كلام وهو ميكنش صح يعني كمان صحاب بيمثلة علينا

شكرا عالنصيحه يا soma

علي ياقمر انتي اختي الصغيرة ولازم انصحك

بس انتي عمرك ما قولتي كلام دا يمكن عشان واقعية
ياانسة سومة

ممكن اكون واقعية
عشان محبش اعيش في الاحلام
وانا فعلنا ما قولت الكلام دة
لاني كنت بدور علي قلب يحبني بجد
بس للاسف طلع قلبي هو ال حبة بجد
وهو سابني في عز ما انا محتاجلة