انت قلبك قاسي اوي اوي...انت مش بتحس!

بعد التحيه .. وبعد السلام
انا جاى امسى واخلص اوام
& مش عارف اخلص ايه بصراحه بس ادينا نخلص وخلاص &

النهارده عايزين نتكلم فى حكايه كدا
هى حكايه شعب وتار
بينا وبين الاستعمار
هاتقولولى يالهوى
استعمار ايه بس
ماخلاص يابنى الاستعمار روح بيته

من زماااااااااااااااان من بعد جلاء الانجليز سنه امممممم
المهم خلينا فى موضوعنا
هاقولكوا انا ماهو دلوقتى احنا بقينا مستعمرين
ايووووووووه
قريتوا صح مستعمرين * بفتح الميم التانيه * يعنى اسم مفعووووووول
هاتقولولى ازاىيابن الناس
استنو بس ماتتعصبوش كده
احنا دلوقتى زى ماتقولوا كده فى غزو ثقافى
نعم عزيزى القارئ نعم عزيزتى القارئه




احنا دلوقتى بنتعرض لغزو ثقافى
طبعا من اللى بييجى من ميلودي وغيرها ومزكها وكشكشها

الخ.....
وطبعا ده كله عشان نتحدى الملل
وتبقى عقولنا فاضيه من كتر اللى بنشوفه ونسمعه
ولما ابقى قاعده انا والوالد العزيز
والاقى واحده فى التليفزيون طالعه
عاملالى شعرها كلبين قصدى قطتين & اهى كلها حيوانات &
وطالعه عماله تقوللى انت قلبك قاسي قوي قوي
انت مش بتحس كده وكده


لا بصراحه موش بيحس خالص
والاخت الفااااضله اللى تطلع تقوللى سوسو فى عينك يا كداب
هههههههههههههههه والله بحس انها مش اغانى
دى اشبه مايكون بمنولوجات ده لو حصلت كمان
والاخت التانيه الفاضله برضه
اللى جايه تقوللى بحب الرقص وهز الوسط اموت اوى اوى فى اللى يقدر
يا سبحان الله
يا ستى حد سألك انتى بتحبى ايه ولا بتكرهى ايه
ماتروحى يا بنت الناس تحبيه بعيد عننا
ومؤخرا نزلت باغنيه الموسم وهى اشبه بشوية رقص لا غير
وكلام غريب جدااااااااا بصراحه مش عارفد ازاى بتقوله اساسا
مالك كده قاعد وسارح قوم اتلحلح
بالذذذذذذذذذمه حد يقول للى بيحبه قوم اتلحلح
وهو ازاى راضى اساسا انها تقولة كده
وحتى لو رضى تقولة كده
بقى بالذمه مستوى الانحطاط فى الاغانى وصل بينا لكدا ؟؟
وكمان حاجه معلش ركزوا بقى فى دى
طبعا شفتو اغنيه الاخت الفاضله اللى طلعتلنا فى المقدر روبى
واسمها مشيت ورا احساسى
والحركات الغريبه اللى كانت روبى عماله تعملها ولا كانها عندها مغص يا عينى
وكل الكلام ده فييين قدام الاهرامات ابو الهول يعنى رمز الحضارة المصريه
لا واللى يغيظ بقى الكلام اللى بيتكتب فى الاخر
مصر هى منبع الحضارة ومقصد المستقبل
يعنى مش فاهمة والله يعنى عاوزين تقولوا ايه مافهمتش
يعنى الانسه روبى دى هى رمز من رموز الحضارة المصريه
هههههههههههههههههههههههههههههههه


اكيد دى نكته الموسم
وكل موسم

بصراحة عندك حق فين زمن ام كلثوم وعبد الحليم

هو انتي اصلا ليكي في حليم وام كلثوم

بصراحه ده بقا زمن الاغاني التافهه والعجيبه تلاقي ناس بيبقا عاجبها الاغاني دي ناس فاضيه ربنا يستر علينا في الزمن ده

وانتي بقي تبع انهي طائفه في دول

ليه كوندليذا رايس
فين ايام عبد الحليم

انا ماليش غير في عبد الحليم ونجاة

شكل الحب مقطع بعضو علي الاخر
ربنا معانا ومعاكو
شكرا اوي علي الردو

مفيش احلى من اغانى دلوقتى انتو اللى مش بتسمعو

انا بقول كدا بردو يا منه
نورتينا في المنتدي

اولنا ال بيسمع الاغاني الهابطة عقلة مش موجود اساس كلام مش مفهوم بيجب فلوس وخلاص لكن ال فهم مفيش ومعظم الشباب مش كلهم طبعا لو ركزت شوي مش هتلاقي بيسمعة كلام الاغاني لا بينظرة للانسة المحترمة الفضيلة لكن انا من زمان بحب عبد الحليم جداااااااااااااااااااااا والست ام كلثوم مش ام كلثوم كدة وبموت في فريد الاطراش الاحساس الجميل الرائعة لكن اي كلام فاضي بيتقال والناس بتسمعة لية بيقول عشان اللملل اومال اغنية سعد الصغير بحبك يا حمار لية احنا بيقنا بنحب حيوانات ولا اية والعنب يعني كلام بايخة ومش مفهوم وال بيسمعة بلاش نقولها اصلي كلنا عرفنها موضوعك عاجبني جدااااااااااااااااااااااااااااااااااااااااااااااااااااا وبتكلم في حاجة فعلنا بتحصل خصوصا قنوات ملولدي ساعات بحس ان ممكن يبعو نفسهم عشان الفلوس لكن بجد الكلام ال احنا نفهمة كلام زمان اي نعم ممكن الست ام كلثوم الاغنية تعقد ساعة بس بفهما زي انت عمري وسيرة الحب بحبهم جدا والعندليب بلاش عتاب واول مرة تحب وكان يوم حبك وفريد الاطراش ليلة الوادع يعني كلام مفهوم سيبنا بئة من الكلام ال مش جايب همة وخلينا مع الفن الاصيل وال بيحب لازم يسمع الست

هههههههههههههههههههههههههههههههههههههه
نورتينا بجد يا اسمااااااااااااء

والله حضرتك بتضحك علية انا بحب من زمان ام كلثوم وعبد الحليم ولية اغاني كتير جدا ماشي لو انت بتحب نصيحة مني اسمع الست هتلاقي كلام مفهوم صح ولا اية

لالالالا ومين يقدر يضحك علي كلامك يا سمسمة هو دة الكلام
اما الناس التافهة الى بيحبوا الاغانى الهابطة وعلى ما اعتقد هم عارفين نفسهم كويس اوى
الواضح ان هم الى مش بيسمعوا

اما والله مش هتفرق المم يكون في حوار بردو

والله ربنا يخليكي لية يا سندريلا وفعلنا كلام الاغاني دلوقتي مش مفهوم وانا قولت راي لكن بئة فعلنا انا ملاحظة ان معظم الشباب مش بيسمع الاغنية لا بيتفرج علي ال بتغني

ويخليكى ليى يا قمر

بالظبط كدة هم مش بيسمعوا الاغنية هم بيتفرجوا على الى بتغنى

والله بجد سعيدة جد بيكي عشان فاهمة انا اقصدة

لو كل واحد اقعد يسمع اغاني زي اليومين دول يبقي خلاص راح زمن الفن الاصيل

والله اللي اعرفه ان الموسيقي حرام
كلها سواء قديم ولا جديد
وعالعموم ربنا يهدي الناس جميعا
لان احنا بقينا في زمن الفساد
وربنا يرحمنا برحمته

عندك حق ابرار واحنا عارفين دة والموسيقي حرام
بس احنا بنتكلم في حاجة معينة الفرق بين دلوقتي وزمان وبلاش نحاكم الناس
وانا عارفة كدة يعني مفيش واحد ملاك ولا واحدة ملاك قبل ما نحاسب غيرنا نحاسب نفسنا ولا اية
وميرسي ليكي ابرار