بعد رباعيات جاهيييييييييين

دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!


مع إن كل الخلق من أصل طين
وكلهم بينزلوا مغمضــــين
بعد الدقايق والشهور والسنين
تلاقي ناس أشرار وناس طيبين
عجبي!!
عجبي عليك..عجبي عليك يا زمن
يا بو البدع يا مبكي عيني دمـاً
ازاي أنا أختار لروحي طريق
وأنا اللي داخل في الحياة مرغماً
عجبي!!
مرغم عليك يا صبح مغصوب يا ليل
لا دخلتها برجليا ولا كان لي ميل
شايلني شيل دخلت أنا في الحياة
وبكره ح اخرج منها شايلني شيل
عجبي!!
سنوات وفايته عليّا فوج بعد فوج
واحدة خدتني ابن والتانية زوج
والتالتة أب خدتني والرابعة ايه
ايه يعمل اللي بيحدفه موج لموج
عجبي!!
وانا في الضلام من غير شعاع يهتكه
أقـف مـكــاني بخوف ولا اتركه
ولما ييجي النور واشوف الدروب
أحتار زيادة .. أيهم اسلكه؟
عجبي!!
نظرت في الملكوت كتير وانشغلت
وبكل كلمة (ليه) و(عشانيه) سألت
أسأل ســـؤال الرد يرجع ســؤال
وأخرج وحيرتي أشد ممـا دخلـت
عجبي
خرج ابن آدم من العدم قلت: ياه
رجع ابن آدم للعدم قلت: ياه
تراب بيحيا .. وحي بيصير تراب
الأصل هو الموت و الا الحياه ؟
عجبي!!
ضريح رخام فيه السعيد اندفن
و حفره فيها شريد من غير كفن
مريت عليهم .. قلت يا للعجب
لاتنين ريحتهم فيها نفس العفن
عجبي !!
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!
غدر الزمان يا قلبي ملهوش أمان
وحاييجي يوم تحتاج لحبة إيمان
قلبي ارتجف وسألني .. أأمن بإيه؟
أأمن بإيه محتار بقالي زمان
عجبي!!
يا باب أيا مقفول .. إمتى الدخول
صبرت ياما واللي يصبر ينول
دقيت سنين .. والرد يرجعلي: مين؟
ولو كنت عارف مين أنا .. كنت أقول

كلام حلوة جدا وعجبي غدر الزمن ملهوش وقت ولا معادة في عز فرحنا ضرب بتجي من اعز الناس لقلبنا اذا كان الحبيب او صدبق ياتري مين ال يقدر يكون وافية ومين ال يكون مخلص لينا محدش يعرف لو كنت عارفة لية ومين انا كنت قولت مين انا ولية بنعمل كدة ومش بنتعلم من الغلط وانا بحب رباعيات جاهين جدااااااااااااااااااااا

الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود

ياللة على الكلام فعلا صلاح جاهين دة من انبغ ماجابت مصر

نورتينا يا نونو
شكرا علي المرور والرد